SVPI એરપોર્ટ પર મુસાફરો માટે નવો અરાઇવલ હોલ તૈયાર! નવનિર્મિત હોલ પર મહેમાનોનું ‘સુસ્વાગતમ્’

અમદાવાદ (Ahmedabad)સરદાર વલ્લભભાઈ પટેલ (SVPI)ઈન્ટરનેશનલ એરપોર્ટ (International Airport)પર નવો અરાઈવલ હોલ કાર્યરત કરવામાં આવ્યો છે. હાલના ઈન્ફ્રાસ્ટ્રક્ચરને વધારતા નવી સેવાઓ થકી મુસાફરોના અનુભવે અને બહેતર બનાવવાનો આ સંનિષ્ઠ પ્રયાસ છે.વળી કોરના માં મુસાફરોમાં સમાજીક અંતર જાળવવાની સુવિધામાં પણ તે મદદરૂપ થશે.

એરપોર્ટ પર 2250 ચોરસ મીટર વિસ્તારમાં ફેલાયેલા નવા અરાઇવલ હોલથી વધુ બે બેગેજ બેલ્ટ ઉમેરાશે.એરપોર્ટના સ્થાનિક આગમન વિસ્તારમાં કુલ ચાર બેગેજ બેલ્ટ થઈ ગયા છે.ઇન્ફ્રાસ્ટ્રક્ચરલ વધારા સાથે આગમન વિસ્તારની વિશિષ્ટ ક્ષમતા મુસાફરોના આરામ અને સગવડમાં વધારો કરશે.

ડોમેસ્ટિક ટર્મિનલ પર મુસાફરોના પ્રસ્થાન માટે બે નવા બસ બોર્ડિંગ ગેટ ટૂંક સમયમાં જ કાર્યરત થશે.નવા બોર્ડિંગ ગેટ અને વધારેલા વિસ્તારની વધતી સુરક્ષા માંગને પહોંચી વળવામાં મદદ કરશે. ચાલુ તહેવારોના મોસમમાં મુસાફરોની અવરજવર ઓલટાઈમ હાઈ સ્તરે છે. તાજેતરમાં SVPI એરપોર્ટ એક દિવસમાં 36000થી વધુ મુસાફરોની સંખ્યાને પાર કરી ચૂક્યું છે. જે ડિસેમ્બર-2021ની પેસેન્જર મૂવમેન્ટના એવરેજ કરતાં લગભગ 37% વધારે છે. SVPI એરપોર્ટ પર મુસાફરી કરતી વેળાએ ઇન્ફ્રાસ્ટ્રક્ચરમાં અનેક સુધારા-વધારા સાથે મુસાફરો માટે આવનારું વર્ષ રોમાંચક અને શ્રેષ્ઠ અનુભવો પ્રદાન કરનારું રહેશે.

તાજેતરમાં SVPI એરપોર્ટે ડોમેસ્ટિક ટર્મિનલની બહાર મુસાફરો માટે ખાસ ડ્રોપ-ઓફ લેન અને નવો ફૂડ ઝોન બનાવ્યો છે, એટલું જ નહીં, વર્ષ દરમિયાન કેટલીય અવનવી વિશેષ સેવાઓ રજૂ કરવામાં આવી છે.

આપણ  વાંચો- કાંકરિયા કાર્નિવલના સમયમાં ફેરફાર, તમે પણ જવાનો હોય તો રાખજો ધ્યાન